السيسي يشكر فريق عمل "الاختيار" ويؤكّد أنه قدم صورة رائعة

قدم الرئيس عبد الفتاح السيسي، الشكر لأبطال مسلسل الاختيار، مشيرا إلى أنه قدم صورة رائعة، وحمل صدقا حقيقيا، ولم يقتصر الرسالة التي حملها على المصريين فقط.وأضاف الرئيس السيسي، خلال كلمته في الندوة التثقيفية للقوات المسلحة وفي حضور أبطال المسلسل: "ما تم تقديمه في الاختيار لم يكن به مبالغة، وكانت وقائع حقيقية رغم ما حملته من قسوة للمصريين، وهذا أمر ملفت للنظر.. والمسلسل كان رسالة إلى مصر والخارج أيضا، قائلا: "الشكر لكم مش على الجهد المبذول.. ولكن الفكرة التي تم تقديمها أكثر من رائعة وعظيمة".

وقال الرئيس: "الشكر ليكم مش على الجهد اللي بذلتوه، على الفكرة اللي قدمتوها كانت رائعة وعظيمة، وعاوز أقولكم أن احنا خلال سنين كتيره من تناول إعلامي لموضوعات بتتم في سيناء لم تصل للناس لنفس المستوي اللي انتوا في خلال الشهر ده قدرته توصلوه".وأضاف السيسي:"المطلوب كتير قوي لان احنا دلوقتي موجودين وانتم عايشين اللحظة اللي بتحصل في سيناء وحجم الإنجاز اللي ربنا ساعدنا فيه وكنا فين في 2012 وبين دلوقتي، وبالتالي حق الأجيال الحالية والقادمة والأحفاد كمان إنهم يشوفوا مش نضال المصريين للحفاظ على بلدهم، لا،  يشوفوا أد ايه مصر قدمت، لان "المنسي" واللي زيه هما عند ربنا خلاص وربنا سبحانه وتعالي اللي هيجازيهم،

لكن يبقا أن إحنا ننقل صورتهم وكفاحهم واستشهادهم لك بيت مصر أولا عشان نقول لكل بيت قدم شهيد متشكرين على اللي انت قدمته فيه أسر فقدوا وافتقدوا أبنائهم أو حتي أصيبوا فبرضه هيعيش مع إصابته طول عمره".وأكد الرئيس، أن المسلسل كان صورة رائعة لواقع عشناه وبنعيشه وتمن دفعته مصر وابنائها سواء للفكرة الخبيثة اللي بيحاولوا ينشروها، أو للناس اللي بتقدم نفسها لأجل أنها تحمي بلدها من الناس دي.وأشار الرئيس السيسي إلى أن تقديم الشخصيات المتطرفة لا يمكن أن ينال من الفنانين قائلا: "الفكرة اللي اتقدمت عمرها ما تنال من شخصيتكم، أنت قدمت قضية تتسم بالسلبية والعدوانية، لأ، انت جسدت شخصية حالة نجاحك فيها وصلت الفكرة للناس، اد ايه الفكرة خطيرة ومدمرة لبلادنا".

وأشار الرئيس، إلى أن المجموعة التي قدمت الصورة القاسية، أشكرهم إنهم قبلوا واستطاعوا تجسيد الدور ده بكل ما تعنيه الكلمة، أنا أقدر أعرفهم على المستوي الشخصي لأن شغلي كان يتيح لي أن أشوفهم، أنا قلت هما جابوهم منين دول؟.. قدمتوا الصورة الحقيقية ليهم.. صحيح.. فيه ناس عاوزين يعني بنبقي عاوزين نمسكهم ونحاسبهم أو إذا اضطرينا نقالتهم بنقاتلهم، فيه ناس بتروح عند ربنا عشان الناس تعيش، اقبلوا شكري عن كل المصريين.. حاجة عظيمة ورائعة فعلا".وأكد الرئيس: "مسلسل واحد لن يكفي أو اثنين أو ثلاثة، وأربعة، وبقولكم اوعوا تقدموا غير صور حقيقة لوقائع حقيقية لان ده وصل للناس، الصدق اللي انتوا قدمتم بيه القضية وحتي الوقائع اللي مكنش فيها أي مجاملة للمصريين المقاتلين او حتي المبالغة في الجانب الشرير، فانتم لا بالغتوا هنا أو هنا".يشار إلى أن مسلسل "الاختيار" من إنتاج شركة سينرجي إحدي شركات المتحدة للخدمات الإعلامية، برئاسة تامر مرسي.  

قد يهمك ايضا:

موقف إنساني لـ الرئيس السيسي مع فتاة منحته هدية في معرض تراثنا
محمد عز يؤكد أن مسلسل الاختيار له تأثير قوي في خاطره